काठमाडौं । अफ्रिकी मुलुक केन्यामा अमेरिकी सैन्य क्याम्पमा विद्रोहीले हमला गरेका छन् ।

सेनाले प्रयोग गर्दै आएको सैन्य बेसमा छिमेकी मुलुक सोमालियामा सक्रिय विद्रोहीले आक्रमण गरेको अन्तराष्टिैय संचारमाध्यमले उल्लेख गरेका छन् ।

सोमलियाको मुस्लिम अतिवादी समूह अल सबाबका लडाकुले आइतबार बिहान केन्या र अमेरिकी सेनाले प्रयोग गर्दै आएको लामु काउन्टीस्थित मान्डा हवाइ बेसमा आक्रमण गरेका छन् ।

यहाँ अमेरिका, केन्यासहित यहाँ सक्रिय विदेशी मुलुकका सेना शिविर बनाएर बसेका छन् ।

लामु काउन्टीका आयुक्त इरुन्गु माकारियाले क्याम्पमा आक्रमण भएको पुष्टी गरिसकेका छन् ।

यद्दपी विद्रोही पछी हटिसकेको उनको भनाई छ । आक्रमणपछि यहाँको आकाशमा धुँवाको मुस्लो समेत देखिएको बताइएको छ ।

आक्रमणको क्षतिका सम्बन्धमा भने केही बाहिरिएको छैन । तर विद्रोही समूहले भने थुप्रै अमेरिकी र केन्याली सैनिक मारेको दाबी गरेको छ। एजेन्सी