तेहरान । अमेरिकाले हवाई आक्रमण गरी मारेको इरानका सैन्य कमाण्डर कासिम सुलेमानीको अन्तिम संस्कारका दौरान हिंसात्मक भागदौड मच्चिएको छ ।

त्यसक्रममा कम्तिमा ४० जनोल ज्यान गुमाएका र सयौं व्यक्ति घाइते भएको अन्तराष्ट्रिय संचारमाध्यमले लेखेका छन् ।

मंगलबार सुलेमानीको गृहनगर मेरमानमा उनको शव समाधिस्थ गर्न लैजाने क्रममा लाखौं जनता भेला भएका थिए ।

त्यही क्रममा भागदौड मच्चिएको थियो । घटनापछि सुलेमानीको अन्तिम संस्कार नै स्थगित गरिएको बताइएको छ । मंगलबार त्यसका लागि सम्भव नभएपछि अर्को मिति घोषणा गरिने भएको छ ।

सुलेमानी इरानका सर्वाधिक लोकप्रिय सैन्य कमान्डर थिए ।

अघिल्लो शुक्रबार उनको हत्या भएपछि इरान र अमेरिकाबीचको सम्बन्धमा समेत खाडल परेको छ ।

उनीहरुको द्धन्द्धले विश्व राजनीतिका तरंग समेत फैलिएको छ । उनको इराकको बगदादमा हत्या भएको हो ।

यस घटनापछि इरानले आक्रामक रवैया अपनाउने संकेत गरिसकेको छ ।