वीरगन्ज । सुनसरी र वीरगन्जमा एकै दिन दुई उद्योगमा भिषण आगलागी भएको छ । सुनसरीको दुहबीस्थित पशुपति बिस्कुट उद्योग र वीरगञ्जस्थित सरस्वती कपडा उद्योगमा आगलागी भएको हो ।

आगलागीले लाखौं मूल्य बराबरको क्षति भएको बताईको छ । चौधरी ग्रुपले चलाएको पशुपति बिस्कुटमा मंगलबार राति करिब ८ बजेबाट आगोलागी भएको थियो ।

यसलाई नियन्त्रणमा लिन करीव साढे ४ घण्टा लागेको थियो । यहाँको आगो निभाउन पाँच वटा वारुणयन्त्र खटिएका थिए । सेना तथा प्रहरी स्थानीयको सहयोगमा आगो निभाइएको थियो ।

उता, वीरगञ्ज महानगरपालिका वडा नम्बर ५ रेशमकोठीस्थित जवाहिर गुप्ताको सरस्वती कपडा उद्योगमा समेत गएरात नै आगलागी भएको छ ।

यसले तयारी कपडा, मेसिनलगायत जलेर नष्ट भएको उद्योगले जनाएको छ ।

यद्दपी दुबै उद्योगमा आगलागली कति क्षति भयो भन्ने बारे भने अझै स्पष्ट भइसकेको छैन । यस उद्योगमा साँझ साढे छ बजेबाट आगलागी भएको थियो ।