समाचार

१ सय २२ चिनियाँलाई नेपालले पठायो फिर्ता

काठमाडौं । नेपालमा पक्राउ परेका १ सय २२ जना चिनियाँ नागरिकलाई नेपालले फिर्ता गरेको छ ।

अब उनीहरु ४ वर्षसम्म नेपाल छिर्न पाउने छैनन् । अध्यागमनसम्बन्धी कानून उल्लंघन गरेका उनीहरुलाई चीन सरकारकै सहयोगमा पक्राउ गरिएको हो ।

उनीहरुलाई लिन चीनबाट दुई वटा जहाज काठमाडौंका आएका थिए । कुन्मिङबाट चाइना इस्टर्न र ग्वान्झाओबाट चाइना साउदर्नको जहाजले चीनका नागरिकलाई नेपालबाट लगेका हुन् ।

महानगरीय प्रहरी परिसर काठमाडौंबाट हत्कडी लगाएरै प्रहरीको गाडीमा उनीहरुलाई विमानस्थल पुर्याइएको थियो । नेपालले उनीहरुलाई देश निकाला गरेको छ ।

उनीहरुलाई ९ वटा घरमा छापा मारेर पक्राउ गरिएको हो ।

उनीहरुको साथबाट ७४७ थान मोबाइल, ल्यापटप ३३१, सिपियु ९८, मनिटर ९९, पेन्ड्राइभ २२, सिमकार्ड ३२७ र पासपोर्ट ६७ थान फेला परेको थियो। उनीहरुलाई अब चीनमै थप अनुसन्धान हुनेछ ।