काठमाडौं । नेपाल विद्युत प्राधिकरणले सोमबार एकै दिन तीन सवस्टेशन निर्माण सम्पन्न गरी संचालनमा ल्याएको छ । कुलमान घिसिङको सफल नेतृत्वमा प्राधिकरणले आफूलाई निरन्तर कार्यसम्पादन हुने संस्थाका रुपमा परिणत गरिरहेको छ ।

यसैक्रममा सप्तरीको बोदेबर्साईन र गोरखाको पालुङटारमा निर्माण सम्पन्न भएका ३३ / ११ केभी सवस्टेसन परीक्षण गरी संचालनमा ल्याइएको प्राधिकरणले जानकारी दिएको छ ।

यी सवस्टेशन संचालनमा आएसँगै सप्तरीको दक्षिण–पश्चिम र गोरखाको पश्चिम क्षेत्रमा विद्युत आपूर्तिमा सुधार हुने बताइएको छ ।

उता, बाँकेको धामपुरमा निर्माण भएको ३३ / ११ केभी सबस्टेससनको निर्माण तथा परीक्षण सम्पन्न भई चार्ज हुने अवस्थामा पुगेको प्राधिकरणले जानकारी दिएको छ। धामपुरमा २०६७ सालमा सबस्टेसन निर्माण सुरु भएपनि सम्पन्न हुन सकेको थिएन ।

नेपाल सरकार, प्राधिकरणको लगानी र एसियाली विकास बैकको सहुलियतपूर्ण ऋणमा विभिन्न क्षेत्रमा सबस्टेसको निर्माण जारी छ ।