फिचर

भारतले रोक्यो पाम आयलको आयात, नेपालको निर्यात प्रभावित हुने

काठमाडौं । भारत सरकारले नेपाललगायत मुलुकबाट भइरहेको पाम आयलको आयात बन्द गरेको छ । बुधबार भारतले यस्तो निर्णय सार्वजनिक गरेको छ ।

यसबाट नेपालको निर्यात बजार भने नराम्रोसँग प्रभावित हुने भएको छ । किनकी आर्थिक वर्षको पहिलो ५ महिनामा नेपालबाट सर्वाधिक पाम आयल निर्यात भइरहेको थियो ।

निर्यातका अन्य वस्तु सुस्ताएको समयमा नेपालको व्यापार घाटा न्यूनिकरणमा पाम आयलले ठूलो योगदान गरेको थियो ।

अब नेपालबाट पैठारी हुने प्रशोधित पाम आयलमा भारतले रोक लगाएको छ । यसबाहेक प्रशोधित पामोलिन समेत भारतमा जान पाउने छैन ।

भारतको वाणिज्य विभाग अन्तर्गत वैदेशिक व्यापार निर्देशनालयबाट आएको यस्तो परिपत्रले नेपालको व्यापार घाटा चुलिने पुनः योगदान गर्नेछ ।

जसबाट निर्यात बढाउने र आयात प्रतिस्र्थापनको नारा दिने अर्थमन्त्रीलाई भने नकारात्मक प्रभाव पार्ने भएको छ । किनकी उनको कार्यकालमा कतै पनि निर्यात बढाउन ठोस काम भएो छैन ।

त्यसकारण नेपाल आत्मनिर्भर हुन सक्ने क्षेत्रमा समेत आयातले स्थान लिएको छ । पछिल्लो ५ महिनामा मात्र नेपालबाट ११ अर्ब भन्दा माथिको पाम आयल भारतमा गएको छ ।

पाम आयल नेपालको उत्पादन पनि होइन । मलेसिया, इण्डोनेसियालगायत मुलुकबाट कच्चा पदार्थ ल्याएर नेपालमा प्रशोधन गरी भारत पठाउने गरिएको छ ।