काठमाडौं । अनुशासनहिन बन्दै गएको नेपाली फूटबलमा यसैसाता अर्को घटना घट्यो । मनाङ मस्र्याङदी क्लब र मच्छिन्द्र क्लबबीचको खेलमा खेल सकिएपछि खेलाडी मैदानमै धक्कामुक्की गर्न उत्रिएका थिए ।

हातपातमा उत्रिएका खेलाडीहरुलाई अखिल नेपाल फुटबल संघ (एन्फा)ले कारवाहीस्वरुप प्रतिवन्ध लगाएको हो ।

एन्फा अनुशासन कमिटीले दुवै क्लबका तीन\तीनजना गरी कूल ६ खेलाडीमाथि यस्तो कारवाही गरेको हो।

एन्फाका अनुसार मनाङका जगजित श्रेष्ठ र गोलरक्षक अशोक बराललाई ५ खेलको प्रतिबन्ध लागेको छ ।

रञ्जन विष्टलाई दुई खेलको प्रतिवन्ध लागेको हो । उता, मच्छिन्द्र क्लबका विजय धिमाल, देवेन्द्र तामाङ र दीपक राईलाई दुई खेलको प्रतिवन्ध लागेको छ ।

एन्फाको अनुसाशन कमिटीको बिहीबार बसेको कारवाही तोकेको छ । बैठकले जगजित र अशोकलाई आर्थिक जरिवानासमेत तोकेको छ ।

उनीहरुले जनही १० हजार जरिवाना भुक्तानी गर्नुपर्नेछ ।

मनाङ मस्र्याङदी क्लबका किट्स म्यानेजर शिव लामालाई लिगका बाँकी सबै खेलमा प्रतिबन्ध लालेको छ ।

उनीमाथि १० हजार रुपैयाँ जरिवाना समेत लागेको छ । एन्फाले खेलाडी र व्यवस्थापकसँगै दुबै क्लबलाई समेत जरिवाना गरेको छ ।

दुवै क्लबले अब ५०\ ५० हजार जरिवाना तिर्नुपर्नेछ । खेलाडी हातपातमा उत्रिएपछि स्थिति नियन्त्रणमा लिन सुरक्षाकर्मी नै परिचालन गर्नु परेको थियो ।