समाचार

बास्कोटा र ढकाललाई थप मन्त्रालयको जिम्मेवारी

काठमाडौं । प्रधानमन्त्री केपी शर्मा ओलीले मन्त्रीपरिषद बिस्तार तत्काल नगर्ने भएका छन् ।

सोहीकारण राष्ट्रपति विद्यादेवी भण्डारीले स्वास्थ्य तथा जनसंख्या मन्त्री भानुभक्त ढकाल र सञ्चार तथा सूचना प्रविधिमन्त्री गोकुलप्रसाद बास्कोटालाई थप एक एक वटा मन्त्रालयको जिम्मेवारी दिएकी छिन् ।

ढकालले कानून, न्याय तथा संसदीय मामिला र बास्कोटाले सहरी विकास मन्त्रालयको समेत जिम्मेवारी सम्हाल्ने भएका छन् ।

प्रधानमन्त्री ओलीको सिफारिसमा राष्ट्रपति भण्डारीले मन्त्रीद्धयलाई थप जिम्मेवारी तोकेकी हुन् ।

समाजवादी पार्टी सरकारबाट बाहिरिएसँगै यी दुई मन्त्रालय रिक्त थिए । त्यसपछि दुबै मन्त्रालयलाई प्रधानमन्त्री आफैंले सम्हालेका थिए ।