06-Jul-2020 | २२ असार २०७७, सोमबार

भारतमा बस र ट्रक ठोक्किदा लागेको आगोले २० को ज्यान गयो

२६ पुष २०७६, शनिबार ०   बिचार / प्रतिक्रिया


कन्नौज । भारतको उत्तरप्रदेशस्थित कन्नौजमा एक निजी बस र ट्रक ठोक्किदा बसमा भयंकर आगो लागेको छ । आगोमा जलेर कम्तिमा २० जनाको मृत्यु भइसकेको प्रहरीले पुष्टी गरेको छ ।

करीव ४१ जना सवार भएको अनुमान गरिएपनि यकिन यात्रु संख्या पत्ता नलागेको बताइएको छ । यो स्लिपिंग बस थियो ।

आगलागीका कारण कैयौं मानिस घाइते भएका कारण मृतकको संख्या बढ्न सक्ने बताइएको छ ।

२१ जनालाई उद्धारपछि अस्पताल लगिएको छ । कतिपयले बसबाट हामफालेर ज्यान जोगाएका छन् ।

एसी जडान भएको बस र ट्रक एकआपसमा ठोक्किएपछि आगो लागेको बताइएको छ ।

घटनापछि उत्तर प्रदेशका मुख्यमन्त्री योगी आदित्यनाथलले मृतक र घाइतेहरुका लागि आर्थिक सहायताको घोषणा गरेका छन् उनले घटनाको अनुसन्धानका लागि समेत निर्देशन दिएका छन् ।

उत्तर प्रदेश सरकारले मृतकका परिवारलाई दुई दुई लाख र घाइतेहरुलाई जनही ५० हजार भारु राहत दिने घोषणा गरेको छ ।

प्रदेश प्रहरी प्रमुख ओपी सिंहका अनुसार नजिकै रहेको डिजल ट्रक विस्फोट भएको र त्यसले बसमा समेत आगो पुर्याउँदा आगलागी भएको आंशका गरिएको बताएका छन् ।

Loading...

फेसबुकबाट तपाईको प्रतिक्रिया

सम्बन्धित समाचार