04-Jun-2020 | २२ जेष्ठ २०७७, बिहीबार

महरा प्रकरण : रोशनीको स्वास्थ्य परिक्षण गर्ने डाक्टरलाई अदालतले बोलायो

२७ पुष २०७६, आईतवार ०   बिचार / प्रतिक्रिया


काठमाडौं । पूर्वसभामुख कृष्ण बहादुर महराविरुद्ध लागेको बलात्कार प्रयासको मुद्दामा जिल्ला अदालत काठमाडौंले आरोप लगाउने रोशनी शाहीको स्वास्थ्य परिक्षण गर्ने डाक्टरलाई बयानका लागि बोलाएको छ ।

रोशनीले शुरुमा बलात्कार प्रयास गरेको आरोप लगाएकी थिइन् । तर, त्यसको २४ घण्टा पनि नबित्दै उनले महराबाट त्यस्तो कुनै काम नभएको भन्दै उनी निर्दोष रहेको बयान दिएकी थिइन् ।

तर, सरकारी वकिलको कार्यालयले भने बलत्कार प्रयास प्रमाणित भएको भन्दै अदालतमा पेश गरेको थियो ।

महरा अहिले पुर्पक्षका लागि थुनामा छन् । जिल्ला अदालतले महराको मुद्दामा सरकारी साक्षी बुझ्ने आदेश गरेको हो ।

उक्त मुद्दामा आइतबार न्यायाधीश अम्बरराज पौडेलको इजलासले घटना विवरणको कागज गर्ने साक्षी र चिकित्सकलाई समेत बोलाउने आदेश गरेको हो ।

इजलासले जाहेरवालाको स्वास्थ्यपरीक्षण गर्ने डाक्टर, घटनास्थलमा भेटिएका सामाग्रीको परीक्षण गर्ने प्रयोगशालाका विशेषज्ञ, घटना विवरण कागज गरिदिने साक्षीहरूलाई समेत बयानमा बोलाउन आदेश गरेको छ ।

Loading...

फेसबुकबाट तपाईको प्रतिक्रिया

सम्बन्धित समाचार