समाचार

सिंहदरबारको पुरानो संसद भवन भत्काउन निर्देशन

काठमाडौं । प्रतिनिधिसभा, विकास तथा प्रविधि समितिले सिंहदरबार भित्रको पुरानो संसद भवन भत्काउन नेपाल पुनर्निर्माण प्राधिकरणलाई निर्देशन दिएको छ।

भूकम्पले भत्काएको यो भवन जीर्ण बनिसकेको छ । यो भवनलाई सरकारले राजकीय भोज आयोजना गर्न भवनका रुपमा विकास गर्ने योजना बनाएको छ ।

समितिले भने पुरानो भवन भत्काएर नयाँ बनाउन निर्देशन दिएको छ । समितिको मंगलबार बसेको बैठकल यस्तो निर्देशन दिएको हो ।

समिति बैठकमा सहरी विकास मन्त्रालयका सचिव मधुसुधन अधिकारी र राष्ट्रिय पुननिर्माण प्राधिकरणका सचिव शिवहरि शर्माले सिंहले ग्यालरी बैठक भएको भवनलाई रेट्रोफिटिङ गरेर पुनर्निर्माण गर्न सम्भव नरहेको बताएका थिए ।

त्यसपछि समितिले भत्काउन निर्देशन दिएको हो । नयाँ बन्ने भवन पूरानै शैलीमा निर्माण हुनुपर्ने गरी निर्देशन समितिले दिएको छ ।

पछिल्लो समय पुनर्निर्माणको कामले गति लिएको छ । निजी आवास पुनर्निर्माणसँगै सम्पदाको पुनर्निर्माणको गति समेत बढेको छ ।