काठमाडौं । त्रिशुली नदीमा बिहीबार दुई बच्चासहित एक दम्पत्तीले हाम फालेको छन् । यस घटनामा तीन जनाको मृत्यु भएको छ भने एक जनालाई बचाउन सकिएको प्रहरीले जनाएको छ ।
धादिङमा भएको घटनामा दुई नाबालक र एक महिलाको निधन भएको छ र पुरुषलाई भने सकुसल बचाएर प्रहरीले निन्त्रणमा राखेको छ ।
जिल्ला प्रहरी कार्यालय, धादिङका अनुसार बेनिघाट रोराङ–१ मा झोलुङ्गे पुलबाट उनीहरुले हाम फालेका थिए ।
त्यसपछि महिला र ६ महिना तथा दुई वर्षका दुई छोराको ज्यान गएको हो । उद्दार हुने पुरुष चन्द्रागिरी नगरपालिकाका विनय लामिछाने हुन् ।
प्रहरीका अनुसार हाम फाल्नुको कारणबारे उनीहसँग सोधपुछ भइरहेको छ ।
