काठमाडौं । यमनमा सैन्य शिविरस्थित एक मस्जिदमा मिसाइल तथा ड्रोन आक्रमण भएको छ ।

यसबाट १ सय भन्दा बढी सैनिकको ज्यान गएको समाचार एजेन्सीहरुले उल्लेख गरेका छन् । अन्य सयौं यमनी सैनिक घाइते भएको समाचारमा जनाएको छ ।

आइतबार भएको यस आक्रमणमा हूती विद्रोहिको हात रहेको बताईएको छ ।

ईरान समर्थित हूती विद्रोही र साउदी अरब नेतृत्वको सैन्य गठबन्धनबीच यमनमा युद्ध भइरहेको छ ।

केही महिनायता शान्त रहेको यमनमा पुनः डरलाग्दो आक्रमण भएको हो ।

सैन्य सूत्रका अनुसार हूती विद्रोहिका सेनाले १७० किलोमीटर दूरीबाट आइतबार साँझको नमाज हुने समयमा आक्रमण गरेका थिए ।

हमलामा १ सय ५० भन्दा बढी सैनिक घाइते रहेको र उनीहरुको उपचार भइरहेको बताइएको छ ।

यस हमलाको एक दिन पहिला सरकारी सैनिकले उत्तरी यमनमा विद्रोहीविरुद्ध सर्च अभियान चलाएका थिए ।

एजेन्सी