काठमाडौं । नेपाल वायुसेवा निगमले जापानको नारितामा उडानको मिति सार्वजनिक गरेको छ ।

निगमका अनुसार २ मार्च २०२० बाट निगमको नारिता उडान निश्चित भएको हो । यसअघि निगमले जापानकै ओशाका शहरमा उडान गरिरहेको थियो ।

अब ओशाका बन्द गरेर निगमले नारितामा उडान बिस्तारको तयारी गरेको छ । यस रुटमा साताको तीन उडान गर्ने निगमको तयारी छ ।

जापानको राजधानी टोकियो नजिकैको यस विमानस्थलबाट धेरै नेपालीले सेवा प्राप्त गर्नेछन् ।

यसबाहेक जापानी पर्यटक आकर्षित गर्न समेत यो गन्तब्य महत्वपूर्ण सावित हुने कम्पनीको विश्वास रहेको छ ।

निगमले यस रुटमा एयरबस ३३० वाइडबडी जहाजबाट उडान गर्नेछ । यो निगमको आठौ गन्तब्य हो ।