घूमघाम

श्रीले थाल्यो जनकपुर उडान, पोखरामा पनि उड्ने

काठमाडौं । नेपालको निजी लगानीको वायुसेवा कम्पनी श्री एयरलाइन्सले जनकपुरमा नियमित उडान थालेको छ । दैनिक एक उडान गर्ने गरी जनकपुरमा श्रीले सेवा थालेको हो ।

कम्पनीका अनुसार अब जनकपुरमा २ हजारमै श्रीले उडान सेवा दिने भएको छ ।

यसअघि बुद्धले करीव ४ हजार रुपैयाँ भाडा लिइरहेको थियो ।

प्रवद्र्धनात्मक भाडा २ हजार राखेको र पछि पनि अधिकतम ३५ सय भन्दा माथि भाडा नजाने कम्पनीको भनाई छ ।

यसैबीच श्रीले सोमबार नै पोखरामा परीक्षण उडान गरेको छ । उडान सफल भएको कम्पनीले जनाएको छ ।

अब निकट भविश्यमा श्रीले पोखरामा समेत उडान गर्ने भएको छ । श्रीको उडानपछि पोखरामा समेत हवाई भाडामा निकै प्रतिस्पर्धा हुनेछ । किनकी यहाँ पनि श्रीले ठूलो क्षमताको जहाज उडाउँदैछ ।