काठमाडौं । सरकारले उखु किसानलाई बक्यौता रकम तिर्न चिनी उद्योगीलाई दिएको समयसीमाको आज अन्तिम दिन हो । तर, सोमबार सम्म आधा उद्योगले किसानको पैसा दिएका छैनन् ।

१८ पुसमा चिनी उद्योग र सरकारबीच भएको वार्तामा उखु किसानको वक्यौता रकम ७ माघसम्म उपलब्ध गराउने सहमति भएको थियो ।

सो समयसीमा बितिसक्दा समेत किसानको भुक्तानी भने यथावत नै रहेको छ ।

उद्योग विभागको तथ्यांक अनुसार चिनी उद्योगीले उखु किसानको ५९ करोड १६ लाख ५४ हजार ७५२ रुपैयाँ भुक्तानी दिनु बाँकि छ ।

तर, १४ वटा चिनी उद्योगमध्ये आधाले मात्र उखु किसानको बाँकी बक्यौता तिरेको छन् ।

अरुको भने केही रकम आएको छ भने केही रकम बाँकि छ । नवलपरासीको लुम्बिनी सुगर मिलका सञ्चालकको दुई वर्ष अगाडी नै मृत्यु भएको थियो ।

सोहीकारण उनका परिवार सम्पर्कमा नआएका कारण उत्त उद्योगले कति तिर्न बाँकि रहेको छ भन्ने खुलेको छैन ।

रौटहतको श्रीराम सुगर मिलले पुरै रकम तिर्न सकेको छैन । उसले तिर्ने पैसा नभएको भन्दै जग्गा बेच्ने प्रस्ताव गरेको छ ।

सर्लाहीको अन्नपूर्ण सुगर मिल जम्मा ३ करोड ९० लाख भुक्तानी गरेपनि अरु बाँकि छ । उसको ४२ करोड रकम बक्यौता छ ।