धादिङ । धादिङको निलकण्ठ नगरपालिका, ८ मा मिनी ट्रक दुर्घटना हुँदा ७ जनाको निधन भएको छ । दुर्घटनामा १५ जना घाइते भएका छन् ।

घाइतेलाई हलिकोप्टरबाट काठमाडौं ल्याइएको छ । ट्रकमा २५ जना सवार रहेको बताइएको छ ।

प्रहरीका अनुसार मृत्यु हुनेमा सेते गुरुङ, प्रेमबहादुर गुरुङ, बलवहादुर गुरुङ, नारायण श्रेष्ठ, विदुर गुरुङ, तिलकबहादुर गुरुङ र नजबहादुर गुरुङ रहेका छन्।

उनीहरु सबैजना नीलकण्ठ नगरपालिका वडा नम्बर २ भुलभुले टोलका वासिन्दा रहेको बताइएको छ ।

धादिङको ज्वालामुखी गाउँपालिका, ४ स्थित ढोला मण्डलीमाई दर्शन गरी घर फर्कने क्रममा मिनी ट्रक दूर्घटनामा परेको हो ।

ग१ख ८०१२ नम्बरको मिनी ट्रकले ठूलो संख्यामा यात्रु बोकेको पाइएको छ ।

सामान्यतया प्रयोजन विपरित सवारी साधनले यात्रु वा सामान बोक्न पाउँदैन । पछिल्लो समय दूर्घटनामा परी ज्यान गुमाउनेको संख्या निरन्तर बढ्दो क्रममा रहेको छ ।