काठमाडौं । कोरोना भाइरसले चीनमा ६ जनाको निधन भइसकेको छ । यो रोग अब अमेरिकासम्म पुगेको पाइएको छ ।

संयुक्त राज्य अमेरिकामा कोरोना भाइरसबाट संक्रमित व्यक्ति फेला परेको संचारमाध्यमले उल्लेख गरेका छन् ।

जनवरी १५ मा चीनबाट फर्किएका एक व्यक्तिमा कोरोना भाइरसको संक्रमण पाइएको छ ।

रोग नियन्त्रण केन्द्र अमेरिकाका अनुसार ती व्यक्तिको परिचय गोप्य राखिएको छ ।

भाइरस चीनको बुहानबाट फैलिएको भनिएको अनुमान छ । चीनमा मात्र ३ सय भन्दा बढीमा यसको संक्रमण फैलिसकेको छ ।

खासगरी सामान्य रुघाखोकीजस्तै लक्षण देखिने र अन्त्यमा मृत्युसमेत हुने यो डरलाग्दो भाइरसले संसारभर संक्रमण लिन सक्ने सम्भावना छ ।

किनकी संसारमा सबैभन्दा बढी घुमघाममा निस्कने मानिस चिनियाँ नै हुन् ।

एजेन्सी