पोखरा । गण्डकी प्रदेशका सांसद दिपक मनाङेविरूद्ध प्रहरीमा जाहेरी दर्ता भएको छ ।

अखिल नेपाल फुटबल संघ (एन्फा) कास्कीका अध्यक्ष मिलन गुरुङले दीपक मनाङेविरूद्ध प्रहरीमा जाहेरी दिएका हुन् ।

उनले जिल्ला प्रहरी कार्यालय कास्कीमा आफूमाथि कुटपिट गरेको भन्दै बुधबार जाहेरी दिएका छन् ।

मुख्यमन्त्री कप फुटबल प्रतियोगितामा व्यवस्थापनप्रति चित्त नबुझेको झोकमा मनाङेले विरूद्धअसन्तुष्टि जनाउँदै मनाङेले गुरुङलाई झापड हानेका थिए।

उता, मनाङेले भने प्रहरीलाई ससाना विषयमा दुख दिन नहुँने भन्दै आफैले झापड हानेको प्रतिक्रिया दिएका छन् ।

बुधबार पत्रकार सम्मेलन गर्दै उनले मनाङका मानिसलाई इज्ययतको महत्व रहने भन्दै आफूले झापड हानेको स्वीकार गरे ।

उनले आफू रावण पक्षको भन्दै झापड हान्दा आफूलाई मज्जा आउने समेत बताए ।