पोखरा । प्रदेश सांसद दीपक मनाङे एन्फा कास्कीका अध्यक्ष मिलन गुरूङलाई झापड हानेको अभियोगमा बिहीबार पक्राउ परेका थिए । उनै गुरूङलाई प्रहरीले शुुक्रबार पक्राउ गरेको हो ।

उनीविरुद्ध ठगी तथा बैंकिङ कसुरको जाहेरी परेको प्रहरीले जनाएको छ ।

कास्की प्रहरीका अनुसार गुरूङविरूद्ध बिहीबार जिल्ला प्रहरी कार्यालय कास्कीमा ठगी र बैंकिङ कसुरको जाहेरी परेको हो । जाहेरी पछि मिलनलाई पक्रन प्रहरीले अदालतबाट पक्राउ अनुमति मागेको थियो ।

उनीविरुद्ध धेरै जनाबाट ‘ठगी र बैंकिङ कसुरमा उजुरी परेको बताइएको छ ।

मनांगेले भने उनलाई मंगलबार झापड हानेका थिए। उनको पक्राउपछि मनांगेले आफ्नो उद्देश्य सफल भएको भन्दै खुसी लागेको प्रतिक्रिया दिएका छन् ।

मनांगेलाई भने जिल्ला प्रशासन कार्यालय कास्कीले दुई दिन हिरासतमा राखेर अनुसन्धान गर्न प्रहरीलाई अनुमति दिएको छ।