काठमाडौं । वेस्ट इण्डिजका भेट्रान क्रिकेटर ड्वेन स्मिथले नेपालको घरेलु फ्रेन्चाइज क्रिकेट लिग एभरेष्ट प्रिमियर लिग खेल्ने भएका छन् ।

उनी २०२० संस्करणको एभरेष्ट प्रिमियर लिग (ईपीएल) खेल्न नेपाल आउन लागेको आफैले उल्लेख गरेका छन् ।

स्मिथले भिडियो सन्देश सार्वजनिक गर्दै नेपाल आउन आतुर रहेको समेत उल्लेख गरेका छन् ।

भैरहवा ग्लाडिएटर्सबाट एभरेष्ट प्रिमियर खेल्ने ३६ वर्षीय स्मिथले वेष्ट इण्डिजका लागि तिनै फर्म्याटको क्रिकेट खेलेका छन् ।

उनी आक्रामक ब्याट्सम्यान हुन् । बल र ब्याट दुबैमा उनी चल्न सक्छन् । ‘मैले नेपाल र त्यहाँको भौगालिक सुन्दरताबारे धेरै सुनेको छु । म त्यहाँ जान निकै आतुर छु,’ उनले भनेका छन् ।

भैरहवाका कप्तान शरद भेषावकरले लामो समयसम्म वेष्ट इण्डिज र आईपीएल क्रिकेटको पावर हाउसका रुपमा रहेका स्मिथले आफ्नो कप्तानीमा खेल्न लागेकोमा खुसी व्यक्त गरेका छन् ।