काठमाडौं । आइतबार नेपाल आइ पुगेका एक अमेरिकी नागरिकमा कोरोना भाइरसको संक्रमण रहेको आशंका गरिएको छ ।

त्रिभुवन अन्तराष्ट्रिय विमानस्थलस्थित हेल्थ डेस्कले चीनबाट नेपाल आएका उनलाई टेकुस्थित शुक्रराज ट्रपिकल सेन्टर तथा सरुवा रोग अस्पतालमा स्वास्थ्य परिक्षणका लागि पठाएको छ ।

उनी चीन ट्रान्जिट बनाएर नेपाल आएका थिए । विमानस्थलस्थित हेल्थ डेस्क स्रोतका अनुसार नेपाल आउँदाआउँदै उनलाई जहाजमै ज्वरो फूटेको थियो ।

चीनमा तीन घण्टा मात्रै बिताएको जानकारी उनले विमानस्थलमा गराएका थिए । त्रिभुवन अन्तराष्ट्रिय विमानस्थलमा संचालनमा आएको हेल्थ डेस्कमा थर्मल स्क्यानर मेसिन जडान गरिएको छ ।

यहाँ ज्वरो आएको भेटिएमा अस्पतालमा पठाउने गरिन्छ । नेपालमा एक जनामा संक्रमण भेटिएको पुष्टी भएको छ ।

थप दुई नेपालीमा समेत संक्रमणको आंशका रहेको छ ।

उनीहरुलाई आइतबार शुक्रराज ट्रपिकल तथा सरुवा रोग अस्पतालमा उपचारका लागि लगिएको छ । उनीहरु चीनबाट फर्किएका र एक जना नेपाली तथा एक जना महिला रहेको बताइएको छ ।