काठमाडौं । राजधानी जोड्ने नागढुङ्गा-सिस्नेखोला सुरुङमार्गको काम वैशाखबाट धमाधम शुरु हुने भएको छ ।

अहिले निर्माण सामग्री, उपकरणलगायत संकलनको काम भइरहेको र बैशाखपछि धमाधाम काम हुरु गर्ने आयोजनाको तयारी रहेको छ ।

आयोजनाका अनुसार सुरुंग निर्माणको काम जेठबाट शुरु हुने भएको हो ।

सुरुङ खन्न चाहिने विष्फोटक पदार्थ र उपकरण ल्याउने काम अहिले भइरहेको छ । यस आयोजनाका लागि विस्फोटक पदार्थ भारतबाट आउँदैछ ।

आयोजनाका अनुसार ९ सय टन विष्फोटक पदार्थ आवश्यक पर्नेछ । यो आयोजना जापानी कम्पनीले निर्माण गर्नेछ ।

यो काठमाडौं उपत्यका जोड्ने पहिलो सुरुग मार्ग बन्दैछ ।

४ कार्तिकमा प्रधानमन्त्री केपी शर्मा ओलीले यो आयोजनाका औपचारिक शिलान्यास गरेका हुन् । बढीमा चार वर्ष भित्र यो आयोजना सक्ने लक्ष्य लिइएको छ ।