विज्ञान प्रविधि

रुदीखोला जलविद्यूतले थाल्यो उत्पादन, साढे ६ मेगावाट विद्यूत राष्ट्रिय प्रशारणमा

काठमाडौं । लमजुङस्थित रुदीखोला बी जलविद्यूत आयोजनाले उत्पादन थालेको छ ।

पछिल्ला समय निजी क्षेत्रबाट धमाधम आयोजनाहरु निर्माण भइरहेका छन् । सम्भवतः नेपालमा सबैभन्दा ठूलो लगानी समेत जलविद्युतमा रहेको छ । रुदीखोला–बी जलविद्युत आयोजनाले शनिबारदेखि विद्युत् उत्पादन थालेको हो ।

यसको क्षमता ६.६ मेगावाट रहेको छ । यो क्षमताको विद्यूत शनिबार बाटै राष्ट्रिय प्रशाररणमा जोडिएको हो । आयोजनाको विद्युत गृह लमजुङको क्वहोलाछार गाउँपालिका–५ सिन्दीमा रहेको छ।

यो आयोजना विन्दवासिनी हाइड्रोपावर कम्पनीले निर्माण गरेको हो । मिजुरेडाँडा सवस्टेशनमार्फत यहाँको जिवुली राष्ट्रिय प्रसारण प्रणालीमा जोडिएको छ ।

आयोजनाबाट १५ दिनसम्म परीक्षण प्रसारण हुने र त्यसपछि पूर्ण क्षमतामा उत्पादन हुने कम्पनीले जनाएको छ ।

निर्माण थालेको दुई वर्षमै उत्पादन थालेको यो आयोजनामा प्रतिमोगावटा १८ करोड रुपैयाँ लगानी लागेको छ । सरकारले यसै वर्ष १ हजार मेगावाट भन्दा माथिको क्षमतामा विजुली थप्ने योजना बनाएको छ ।