काठमाडौं । भारतले नेपाललाई दिने अनुदान कटौती गरेको छ । आर्थिक वर्ष २०२०\२१ को बजेट सार्वजनिक गर्दै भारत सरकारले नेपालका लागि उपलब्ध गराउने वार्षिक अनुदान कटौती गरेको हो ।

भारतीय वित्तमन्त्री निर्मला सीतारमणले शनिबार संसदमा बजेट पेश गरिन् । उक्त बजेटले नेपाललाई दिने अनुदान घटेको हो ।

अब भारतले वार्षिक ८ अर्ब भारु मात्र नेपाललाई दिनेछ । सीतारमणले यसअघि आफैले ल्याएको बजेटमा करीव १२ अर्ब भारु दिने उल्लेख थियो । ४ अर्ब कटौती गरी उक्त रकम कायम भएको हो ।

आव २०१९ \२० को मध्यावधि बजेटमा नेपालका लागि १२ अर्ब भारु सहयोग राखिएको थियो । मोदी सरकारको अघिल्लो कार्याकालको अन्तिम बजेटले भने १० अर्ब ५० करोड भारु सहयोग राखेको थियो ।

नेपालको बजेट कतौती गरेको भारतले भूटानमा भने सहयोग बढाएको अब भूटानमा वार्षिक २८ अर्ब ८४ करोड ६५ लाख भारु सहयोग जानेछ ।

यो अघिल्लो वर्षको तुलनामा करीव ८ प्रतिशतले बढी हो । वित्तमन्त्री सीतारमणले भारतीय संसदमा कूल २६९ खर्ब ८५ अर्ब भारुको बजेट पेश गरेकी छिन् ।

भारतले बजेटबाट आयकरमा व्यापक परिवर्तन गरेको छ । स्वदेशमै उत्पादन हुने वस्तुको आयातमा कडाइ गरेको छ । यसले पाम आयलसहितका धेरै उत्पादन नेपालबाट भारत जान समेत कडाई हुने भएको छ ।