भक्तपुर । आइतबार राजधानीको एक स्कुलबाटै बालिका अपहरणमा परेकी छिन् । भक्तपुरको निकोसेरास्थित एक विद्यालयबाट अपहरणमा परेकी बालिकाको करीव ३ घण्टापछि प्रहरीले उद्दार गरेको छ ।

अपहरणमा संलग्न रहेको आरोपमा एक २० वर्षिय यूवक समेत पक्राउ परेका छन् । सर्लाही लालबन्दी ५ स्थायी घर भई भक्तपुर ठिमी बस्ने आशिष थापालाई पक्राउ गरेको हो ।

चिनजान नै भएको अभिभावको बच्चा अपहरण गरी फिरौती मागेका उनलाई प्रहरीले भक्तपुरबाटै पक्राउ गरेको जनाएको छ ।

१२ बजे विद्यालयबाट बालिकाको उपचारमा लैजानु छ भन्दै विद्यालयलाई झुक्याएर बालिका लगेका उनले अपरान्ह ३ बजेतिर बालिकाका बुबालाई फोन गरी नगद सोह्र लाख रुपैयाँ फितौती मागेका थिए ।

त्यसबेला उनले रकम नदिए बालिकाका ज्यान मार्ने धम्की दिएक थिए । त्यसपछि अभिभावकले यो खबर प्रहरीम गरेका थिए ।

प्रहरीले महानगरीय प्रहरी परिसर भक्तपुर, महानगरीय प्रहरी वृत्त ठिमी र महानगरीय अपराध महाशाखाबाट संयुक्त टोली खटाएर खोजी थालेको थियो ।

प्रहरीले फोनको लोकेसनका आधारमा खोजी गर्दा बालिका रहेको स्थान पत्ता लागेको प्रहरीके भनाई छ । स्कुलका पूर्व विद्यार्थीले समेत बालिकाको खोजीमा प्रहरीलाई सहयोग गरेका थिए ।

सुर्यविनायकको घ्याम्पेडाँडाबाट बालिकालाई उद्दार गरिएको प्रहरीले जनाएको छ । प्रहरीको टोली देखेपछि अपहरणकारी बालिकालाई छाडेर भागेका थिए।

त्यसपछि प्रहरीले उनलाई खोजी थालेको थियो । साँझ ५ बजे उनी पक्राउ परेका छन् । बालिका अपहरणका सम्बन्धमा थप अनुसन्धान जारी रहेको प्रहरीले जनाएको छ ।