अमेरिका स्थित लामोदुरीको लागि चर्चित यात्रु बाहक बस “ ग्रेहाउन्ड ” भित्र गोली प्रहार भएको छ । सोमबार बिहान १ बजे पछी लसएन्जलसदेखी सनफ्रान्सिस्को जाँदै गरेको यात्रुबाहक बसमा गोली चल्दा ६ यात्रु घाईते भएको लसएन्जलसस्थित समाचार एजेन्सीहरुले जनाएका छँन् । गोली चलेको समयमा बस भित्र ४० जना यात्रुहरु सबार थिए । बस भित्र अकस्मात गोली चले पछी हाईवे आई -५ को एक्जिट ग्रेप भाईनमा बस रोकिएको थियो भने गोली प्रहारबाट आत्तिएका यात्रुहरुले आकस्मिक नम्बर ९११ मा फोन गरेका थिए ।

घटनाको खबर पछी केर्नी काउन्टीका प्रहरी लगायतका प्रहरीहरु घटनास्थल पुगी गोली प्रहार गर्ने सन्धिग्द अपराधीलाई नियन्त्रणमा लिएको समाचार एजेन्सीहरुले जनाएका छँन् । सन्धिग्द अपराधी बसमा संगै यात्रा गर्ने यात्रु भएको जनाईएको छ ।

एजेन्सी