काठमाडौं । एकदिवसीय मान्यता प्राप्त गरेपछि नेपालले पहिलो पटक घरेलु मैदानमा वानडे सिरिज खेल्दैछ । खेल आजबाट शुरु हुँदैछन् ।

त्रिवि किकेट मैदानले समेत यसै खेलबाट वानडे मान्यता पाउँदैछ । कीर्तिपुरमा पहिलो खेलका लागि ओमान र नेपालका कप्तानले टस गरेसँगै यो मैदानले वानडे मान्यता पाउने हो ।

नेपालले २०२३ मा हुने विश्वकपको यात्राका लागि यो प्रतियोगिता महत्वपूर्ण सावित हुनेछ । नेपाल, ओमान र अमेरिका यस सिरिजमा भिड्दैछन् ।

सबै टोलीले एकआपसमा २, २ खेल खेल्नेछन् । क्रिकेट मैदानमा हुने हरेक खेलका लागि दुई सय रुपैयाँ टिकट तोकिएको छ ।

सबै खेलमा दर्शक खचाखच हुने अनुमान रहेको छ । नेपाल ज्ञानेन्द्र मल्लको नेतृत्वमा मैदानमा उत्रिदैछ ।

पारस खड्काले कप्तानी छाडेपछि पहिलो महत्वपूर्ण सिरिजमा ज्ञानेन्द्रले कप्तानी गर्दैछन् ।

अमेरिका सन् २०१० पछि पहिलो पटक नेपाल आएको हो । ओमन भने नियमित नेपालमा खेलिरहेको टोली हो । यी दुबै टोलीमा अन्य मुलुकबाट आएका आप्रवासी खेलाडीको बाहुल्य रहेको छ ।