काठमाडौं । दुई महिला अगाडी चल्ला उत्पादन गर्ने व्यवसायीले साना चल्ला मार्दै खाल्डोमा पुर्ने अभियान चलाए । १० दिन चलेको यो अभियानका दौरान लाखौं चल्ला मारिएका थिए ।

जो दुई महिनापछि वयश्क बनी मासुका लागि योग्य बन्थे । त्यतिमात्र होइन, अण्डा समेत फुटाइएको थियो ।

त्यतिबेला मासुको उचित मूल्य नपाएको भन्दै व्यापारिले गरेको यो कुकर्म अहिले मासुको मूल्य हात्तै बढाउने रणनीति अनुसार भएको पाइएको छ ।

यो मामलामा विज्ञ कृषिमन्त्री घनश्याम भुसाल मौन छन् । तर, बजारमा १० दिनको फरकमा मासुको मूल्य १ सय ३० रुपैयाँभन्दा बढी महंगो भइसकेको छ ।

माघको पहिलो साता प्रतिकेजी २ सय ९० रूपैयाँ रहेको मासुको मूल्य अहिले ४ सय १० रूपैयाँ पुगेको छ ।

सरकारले उचित नियमन नगर्दा हिँजो चल्ला मारेर आज कृतिम अभाव देखाएर दोब्बर मूल्य असुल गर्ने रणनीति रहेको पाइएको छ ।

अहिले मासुको मूल्य बजारमा अधिकतम ४२० रूपैयाँसम्म पुगेको छ ।