30-Sep-2020 | [nepali_today_date]

विदेशीको श्रम स्वीकृति सहज बनाउने सरकारको निर्णय

February 7, 2020 ०   बिचार / प्रतिक्रिया


काठमाडौं । सरकारले विकास सहायता तथा प्राविधिक मिसनका लागि नेपाल आउने विदेशी नागरिकको श्रम स्वीकृति सहजिकरण गर्ने भएको छ ।

नेपालकै सहयोगको प्रयोजनमा आउने विदेशी नागरिकलाई श्रम स्वीकृतिलगायत अन्य प्रक्रियामा सहजीकरण गर्ने निर्णय भएको सरकारका प्रवक्ता, सूचना तथा संचार प्रविधि मन्त्री गोकुल बास्कोटाले जानकारी दिए ।

माघ २० मा बसेको मन्त्रिपरिषद् बैठकले नेपाल आउने विदेशी विज्ञ, परामर्शदाता, कर्मचारी, स्वयंसेवक तथा कामदारलाई प्रवेशाज्ञा र कार्यसहमति प्रदानमा सहजीकरण गर्ने निर्णय गरेको हो ।

नेपालमा सम्बन्धित मन्त्रालयको सिफारिशमा गृहमन्त्रालयको कार्यसहमति र श्रम विभागबाट श्रम इजाजत लिएर मात्र विदेशीले काम गर्न पाउँछन् ।

त्यसको प्रक्रिया भने झण्झिटिलो हुने गरेको छ । नेपालमा ८० भन्दा बढी मुलुकका विदेशीले काम गर्छन् ।

Loading...

फेसबुकबाट तपाईको प्रतिक्रिया

सम्बन्धित समाचार