काठमाडौं । चीनमा कोरोना भाइरसको संक्रमणबाट मर्ने बिरामीको संख्या ८ सय नाघेको छ । तथ्यांक अनुसार महामारीको रुपमा फैलिएको यस भाइरसले ८ सय १३ को ज्यान लिएको छ ।
चीनको हुबेइ प्रान्तमा मात्र ७८० जनाले ज्यान गुमाएका छन् । त्यसमध्ये सबैजसो वुहान शहरका छन् ।
चीनको वुहान वाहेक हङकङ र फिलिपिन्समा समेत मानिसको ज्यान गएको छ ।
३५ हजार भन्दा बढीमा यसको संक्रमण भइसकेको छ । यो संख्या अझै बढ्ने क्रममा रहेको छ ।
वुहान हरमा डिसेम्बरमा पहिलो पटक यो भाइरस देखिएको हो । त्यसयता करीव २ दर्जन मुलुक कोरोनाको संक्रमणबाट पिडित भएको छ ।
विश्व स्वास्थ्य संगठनले कोरोना भाइरसको संक्रमणलाई विश्वव्यापी स्वास्थ्य आपतकाल घोषणा गरेको छ ।
यद्दपी अनावश्यक अफवाह नफैलाउन समेत संगठने सचेत गराएको छ । यसअघि शनिबार चीनले मर्नेको तथ्यांक लुकाएको भन्दै अफवाह फैलिएको थियो ।
