काठमाडौं । अब नेपालमा सवारी चालक अनुमति पत्र लिन १८ वर्ष पुग्नु पर्ने भएको छ ।

सरकारले सवारी चालक अनुमतिपत्र (लाइसेन्स) लिने उमेर हद बढाउने तयारी गरेको छ । यसअघि १६ वर्षको उमेरमै लाइसेन्स पाउने प्रावधान छ ।

यातायात व्यवस्था विभागका अनुसार अब न्यूनतम उमेर १८ वर्ष तोक्नेगरी ‘सवारी तथा यातायात व्यवस्था ऐन–२०७६’ आउँदैछ ।

लाइसेन्सको समय सीमा समेत अब बढ्नेछ । अब एक पटक लाइसेन्स लिएपछि त्यो १० वर्षका लागि मान्य हुनेछ ।

अहिले पाँच वर्षमा नवीकरण गर्नुपर्छ । अब सवारी चालक बन्न कम्तिमा कक्षा १० पास गरेको हुनुपर्ने प्रावधान समेत ल्याइदैछ ।

यसबाट दूर्घटना न्यूनिकरण हुने विश्वास सरकारको छ ।

पछिल्लो समय सानो उमेरमै चालक बन्ने र उनीहरुले लापरवाही तरिकाले सवारी चलाउँदा धेरैके ज्यान गएको निष्कर्षमा सरकार पुगेको हो ।