24-Feb-2020 | १२ फाल्गुन २०७६, सोमबार

दिल्लीमा आमआदमीको ह्याट्रिक, केजरीवाललाई भारी बहुमत

२८ माघ २०७६, मंगलवार ०   बिचार / प्रतिक्रिया


काठमाडौं । भारतको दिल्ली विधानसभामा आम आदमी पार्टीले लगातार तेस्रो पटक चुनाव जितेको छ ।

केजरीवालको पार्टी आम आदमीले भारी बहुमतका साथ चुनाव जितेको हो । मंगलबार साँझसम्म अधिकांश सीटको नतिजा आइसकेको छ ।

कूल ७० सीटका लागि भएको निर्वाचनमा आम आदमीले भारी बहुमत ल्याएसँगै भारतीय प्रधानमन्त्री नरेन्द्र मोदीले केजरीवाललाई बधाई समेत दिएका छन्।

शनिबार दिल्लीमा भएको विधानसभा चुनावको नतिजा मंगलबार बिहानदेखि आउन थालेको छ ।

साँझसम्म अधिकांश ठाउँको अन्तिम नतिजा आइसकेको छ। प्रधानमन्त्रीले आमआदमीलाई बधाई दिँदै दिल्लीका जनताको आकांक्षा पुरा गर्न शुभकामना समेत दिएका छन् ।

मंगलबार साँझसम्म आमआदमी पार्टीले ४६ सिटमा जित निकालेको छ । १६ सिटमा अग्र स्थानमा छ ।

बहुमत ल्याउन ३६ सीट भए पुग्छ । भारतको सत्तारुढ पार्टी भारतीय जनता पार्टी (भाजपा)ले दिल्लीमा मात्र ६ सिटमा जीत निकालेको छ ।

अब दुई सीटमा मात्र भाजपाको अग्रता छ । मंगलबार रातीसम्म सबै स्थानको नतिजा आइसक्नेछ ।

आम आदमी पार्टीले ९० प्रतिशत सिट ल्याएको छ । अब उसले केजरीवालको नेतृत्वमा पुन सरकार चलाउने छ ।

उनी यसअघि लगतार दुई पटक मुख्यमन्त्री बनिसकेका छन् ।

केजरीवाल सन् २०१३मा ४९ दिनका लागि मुख्यमन्त्री बनेका थिए।

सन् २०१५मा भएको विधानसभा चुनावमा ७० मध्ये ६७ सिट जित हासिल गरी उनको पार्टीले एकलौटी सरकार चलाएको थियो । अहिले पनि आम आदमी कै एकलौटी सरकार चल्नेछ ।

Loading...

फेसबुकबाट तपाईको प्रतिक्रिया

सम्बन्धित समाचार