काठमाडौं । नेपाल र भारतबिच दोस्रो अन्तरदेशीय पेट्रोलियम पाइपलाइन बन्ने भएको छ ।

यसका लागि भारतले आन्तरिक तयारी थालेको छ ।

भारतले टोली नै खटाएर अध्ययन थालेको नेपाल आयल निगमले जनाएको छ ।

सिलिगुढी-झापा पेट्रोलियम पाइपलाईन बनाउने सन्दर्भमा भारतीय आयल निगमका अधिकारी फिल्डमा खटिएका हुन ।

उक्त पेट्रोलियम पाइपलाइनको स्थलगत रेखांकन बाट दूरी समेत कम हुने अपेक्षा गरिएको छ ।

यसटोलीमा नेपालको तर्फबाट समेत केही उच्च तहका कर्मचारीलाई खटाइएको छ ।

फिल्ड अध्ययन यसै साता प्रारम्भ भएको हो ।

आईओसीको सिलुगडी डिपोदेखि झापाको चारआलीसम्म करिब ४५ किलोमिटर लामो पाइपलाइन बनाउने योजना छ ।

तर, फिल्ड अध्ययनबाट यो दुरि अझ घट्ने अधिकारीहरुले बताएका छन

२७ पुस देखि दुई दिन सम्म भारतको नयाँदिल्लीमा सम्पन्न नेपाल-भारत पेट्रोलियम तथा ग्यास जोइन्ट वर्किङ ग्रुपको बैठकमा नेपालले सिलिगुढी-झापा दोस्रो अन्तरदेशीय पेट्रोलियम पाइपलाइनको सम्भावता अध्ययन गरिदिन भारतलाई प्रस्ताव गरेको थियो ।

 

सोही अनुसार भारतीय टोलि फिल्डमा खटिएको बताइएको छ ।

यसअघि अमलेखगञ्जबाट पेट्रोलियम पदार्थ पाइपलाइनबाट आउन थालिसकेको छ ।

यसले नेपाल आउने पेट्रोलियम पदार्थको ढुवानीमा उल्लेख्य मुल्य कटौती हुने गरेको छ ।