काठमाडौं । सर्वोच्च अदालतले पूर्व प्रधानमन्त्रीद्वय माधव नेपाल र बाबुराम भट्टराईमाथि किन मुद्दा नचलाएको भन्दै अख्तियार दुरुपयोग अनुसन्धान आयोगलाई प्रश्न सोधेको छ ।

शुक्रबार प्रधान न्यायाधीश चोलेन्द्रशमशेर जबराको एकल इजलासले पन्ध्र दिन भित्र लिखित जवाफ पेश गर्न अख्तियारका नाममा आदेश दिएको छ ।

यसअघि वरिष्ठ अधिवक्ता बालकृष्ण न्यौपानेले बालुवाटार जग्गा प्रकरणमा माधव नेपाल र बाबुराम भट्टराईलाई मुद्दा चलाउनुपर्ने माग गर्दै सर्वोच्चमा रिट दायर गरेका थिए।

सोही रिटमा सर्वोच्चले आज कारण देखाउ आदेश जारी रहेको हो ।

प्रधानमन्त्री निवास समेत रहेको बालुवाटारको सरकारी जग्गा नक्कली मोही खडा गरि व्यक्तिको नाममा लगेको कान्डमा अख्तियारले दुइ पूर्व प्रधानमन्त्रीलाई बाहेक अन्यलाइ मुद्दा दायर गरेको थियो।

नीतिगत निर्णय भएका कारण उनिहरु विरुद्ध अख्तियारले मुद्दा चलाउन नमिल्ने तर्क गरेको थियोे ।