काठमाडौं । पुर्ण रुपमा राजनीतिक स्थायित्वसहित बलियो सरकार गठन भएको आज ठ्याक्कै दुई वर्ष पूरा भएको छ ।

३ फागुन २०७४ सालमा प्रधानमन्त्री केपि शर्मा ओलिको नेतृत्वमा वर्तमान सरकार गठन भएको थियो ।

सुशासन, तीब्र आर्थिक विकास, समृद्धि र सुखी नेपालीको नारा सहित गठन भएको सरकारको पहिलो वर्ष जनता मौन थिए ।

किनकी यसअवधिमा थप उपलब्धिको पर्खाइमा उनिहरु थिए ।

चुनाव र त्यसपछि प्रधानमन्त्रीले देखाएका रेल सपना, हावाबाट बिजुली, घरघरमा पाइपलाइनबाट ग्यास, गरिबलाइ घर, सर्वसुलभ शिक्षा र स्वास्थ्यका नारा केवल चुनावी फन्डा मात्र थिए ?

आज जनताले यो प्रश्न उठाउन थालेका छन । किनकी नेकपाको घोषणा पत्र अनुसार अहिले कुनै काम भएका छैनन ।

यस अवधीमा सरकार यति होल्डिङ्सका कारण सबैभन्दा विवादित बन्न पुग्यो ।

गोकर्ण रिसोर्ट सम्झौता सकिनु ६ वर्ष अगाडि नै नविकरण गर्न हतारिनुमा प्रधानमन्त्री कै बढी भुमिका देखियो ।

प्रधानमन्त्री अस्वस्थताका बिच पनि सक्रिय रहे । तर, उनको सक्रियता विकास र निर्माण भन्दा बढी व्यापारीका ठेक्का नविकरणमा बढी देखियो ।

दुई वर्षमा आर्थिक विकास, बजेट खर्चको गति उस्तै कमजोर छ । भ्रष्टाचारको मात्रा अझ बढो छ ।

पुर्वाधार निर्माणले अझै पनि गति लिन सकेन । मेलम्ची, गौतमबुद्ध विमानस्थल दुई साल अगाडी नै बनिसक्नु पर्ने थियो ।

त्यहा अल्झीएको गाठो सरकारले फुकाउन सकेन ।

यस अवधीमा संघीयता कार्यान्वयन केही हदसम्म सफल भयो ।

तर, स्थानिय र प्रदेश तह आत्मनिर्भर बन्ने कुनै काम हुन सकेका छैनन ।

समग्रमा यो दुई साल पनि सरकारले ठोक कामको थालनी भन्दा विगतलाइ निरन्तरता दिएको पाइयो ।