स्वास्थ्य

चीनमा रहेका नेपाली लिन आज उड्दैछ वाइडबडी

काठमाडौं । नेपाल एयरलाइन्सको सबैभन्दा ठूलो जहाज ए३३०-२०० जहाज आज अपरान्ह चीन उड्दैछ ।

चीनको वुहानबाट त्यहा बसोबास गर्ने नेपालीलाई उद्वार गरि नेपाल ल्याउने प्रक्रियाका लागि जहाज चीन उड्न लागेको हो ।

वुहान कोरोना भाइरसको उद्गमस्थल हो ।

सरकारले चीनको वुहानबाट आफ्ना नागरिकलाई उद्दार गर्न लागेको हो ।

उनीहरुलाई ल्याएर नेपाल एयरलाइन्सको जहाज आइतबार काठमाडौं अवतरण गर्नेछ ।

त्यसपछि चीनबाट फर्किएका सबैलाइ क्वारेन्टाइनमा राखिनेछ ।

त्यसका लागि खरिपाटीस्थित नेपाल विद्युत प्राधिकरणको तालिम केन्द्रमा राखिनेछ ।

चिकित्सक, पाइलट, एयरहोस्टेससहित क्रु मेम्बरलाई भने नगरकोटमा व्यवस्था गरिएको छ ।

चीनबाट नेपाली विद्यार्थीलाई स्वदेश ल्याउने भएपछि कतिपयले यसको संक्रमण नेपालमा पनि फैलिने हो कि भन्दै त्रास मान्न थालेका छन ।

नेपाल भन्दा चीन नै सुरक्षित थियो भन्ने तर्क समेत धेरैको छ ।

भक्तपुरको खरिपाटीका स्थानीय पनि चीनबाट नेपाली विद्यार्थीलाई ल्याएर सो ठाउँमा राख्ने भनेपछि त्रसित छन्।

केही स्थानीयले त त्रासका कारण घर नै छोडेर गाउँ गएको खबर सार्वजनिक भएको थियो ।