काठमाडौं । चीनको वुहानमा रहेका नेपालीलाई लिन नेपाल एयरलाइन्सको वाइडबडी जहाज वुहानस्थित विमानस्थलमा पुगेको छ ।

१८५ जना नेपाली विद्यार्थीलाई बोकेर जहाज नेपाली समय अनुसार राती २:१५ मिनेटमा त्रिभुवन अन्तर्राष्ट्रिय विमानस्थलमा अवतरण हुनेछ ।

वुहानमा चीनका विभिन्न शहरबाट नेपाली आएर विमानस्थलमा जुटेका थिए ।

त्यसमध्ये केही विद्यार्थीलाई ज्वरो आएका कारण चीनले उतै रोकेको छ ।

ज्वरो नआएका विद्यार्थीमात्र नेपाल आउन पाउने भएका छन ।

विमानस्थलमा उनीहरुको पहिलो चरणको स्वास्थ्य परीक्षण भइसकेको पछि नेपालीलाई नेपाल ल्याउन लागीएको छ ।

पहिलो चरणमा १८५ विद्यार्थी स्वस्थ्य परिक्षणमा सफल भएका छन् ।

नेपाल ल्याउन लागिएको मध्ये १४३ पुरुष छन ।

वुहान आसपासका सहरबाट विमानस्थल आएका हुन्।

चीनको चीङचउ, चीङमन, वनसी, शयान, यिथाङलगायत सहरबाट बसमा नेपालीहरु वुहान अन्तर्राष्ट्रिय विमानस्थलमा आइपुगेका हुन्।

नेपाल आइसकेपछी उनीहरु दुई साता क्वारेन्टाइनमा बस्नु पर्छ ।