भक्तपुर । चीनको वुहानबाट ल्याइएका नेपाली यतिबेला दङ्ग छन् ।

उनीहरुले सरकारलाइ स्यावासी दिइरहेका छन ।

अर्कोतर्फ उनीहरुलाई राखेको स्थान खरिपाटीमा भने एक प्रकारको आतंक छ ।

खरिपाटिमा स्थानीयहरु अब कोरोना फैलन्छ भन्ने त्रासमा छन् ।

त्यसकारण संभव हुनेहरूले आइतबारबाटै घर र डेरा छाडेर अन्तै जान थालेका छन् ।

सोमबार खरिपाटिबाट दर्जनौ व्यक्तिले सो स्थान छाडेको स्थानीय प्रशासनले जनाएको छ ।

क्वारेन्टाइनमा राखेका विद्यार्थीहरुको चहलपहल बाहिरैबाट देखिने र उनीहरुको सासबाट खुला हावामा किटाणु जादा कोरोना फैलने त्रासमा स्थानीय छन् ।

हावाबाट भन्दा पनि सङ्क्रमित मानिसको नजिक जादा मात्र यो रोगका किटाणु सर्छन भनेर सरकारले स्थानीयलाई काउन्सिलिङ नै गर्न सकेको छैन ।

अर्कोतर्फ चीनबाट आएका नेपाली सङ्क्रमित होइनन्, संक्रमण मात्र होइन, अलि उच्च ज्वरो आएका मानिसलाइ समेत चीनले विमानस्थल मै रोक्छ ।

यसपटक पनि ४ जना नेपाली चीनमै रोकिए ।

अन्तर्राष्ट्रिय प्रचलन अनुसार कम्तीमा दुई साता क्वारेन्टाइनमा राख्नु पर्ने भएकाले यसो गर्नु परेको सम्बन्धमा सरकारले स्थानीयलाई सम्झाउन नसक्दा खरिपाटिमा सामाजिक समस्या देखा परेको हो ।