समाचार

पेट्रोलियम पदार्थको भाउ घट्यो

काठमाडौं । नेपाल आयल निगमले पेट्रोलियम पदार्थको मूल्य घटाएको छ । पेट्रोल, डिजेल र मट्टितेलको मूल्य राती १२ बजेदेखि घटेको निगमले जनाएको छ ।

निगमका अनुसार पेट्रोलमा प्रतिलिटर २ रुपैयाँले घटाइएको छ । डिजेल र मट्टितेलको मूल्य समेत प्रतिलिटर २ रुपैयाँले नै घटेको हो ।

नयाँ मूल्य अनुसार काठमाडौं उपत्यकामा पेट्रोलको मूल्य प्रतिलिटर १०८ रुपैयाँ परेको छ । यसअघि ११० रुपैयाँ रहेको थियो ।

डिजेल र मट्टितेलको मूल्य प्रतिलिटर ९७ रुपैयाँ भएको छ ।

भारतबाट इन्धनको मूल्य घटेर आएपछि नेपालमा समेत मूल्य समायोजन गरिएको निगमको भनाई छ । खाना पकाउने ग्यास र हवाई इन्धनको मूल्यमा भने फेरबदल भएन ।