23-Sep-2020 | [nepali_today_date]

देउवा गच्छदारकै पक्षमा

February 18, 2020 ०   बिचार / प्रतिक्रिया


विराटनगर । नेपाली कांग्रेसका सभापति शेरबहादुर देउवाले भष्ट्राचार आरोप लागेका आफ्नो पार्टीका उपसभापति विजय कुमार गच्छदारको बचाउ गरेका छन् ।

उनले ललिता निवास प्रकरणमा गच्छदारमाथि अन्याय भएको प्रतिक्रिया दिएका छन् ।

मंगलबार विराटनगर विमानस्थलमा सञ्चारकर्मीसँग कुरा गर्दै देउवाले उस्तै मुद्दामा कसैले उन्मुक्ति पाउने र कसैमाथि मुद्दा दर्ता हुनु अन्याय भएको उनको भनाई छ ।

गच्छदारमाथि भएको अन्यायको कांग्रेसले प्रतिवाद गर्ने समेत उनले बताए ।

ललिता निवासस्थित सरकारी जग्गा व्यक्तिको नाममा ल्याएको प्रकरणमा अख्तियारले तत्कालीन मन्त्री गच्छदारलगायत १७५ जनाविरुद्ध विशेष अदालतमा मुद्दा दायर गरेको थियो ।

तर सोही मुद्दामा पूर्वप्रधानमन्त्री माधवकुमार नेपाल र बाबुराम भट्टराईलाई भने नीतिगत निर्णय गरेको भन्दै मुद्दा दायर गरेको थिएन ।

अख्तियार सरकारको दबाव र प्रभावमा परेको भन्दै कांग्रेसले यस प्रकरणको विरोध गर्दै आएको छ ।

Loading...

फेसबुकबाट तपाईको प्रतिक्रिया

सम्बन्धित समाचार