Epapers :

21-Sep-2019 | ४ आश्विन २०७६, शनिबार

बलियो टोली चाइनिज ताइपेईसँग नेपालको बराबरी

२३ जेष्ठ २०७६, बिहीबार ०   बिचार / प्रतिक्रिया


काठमाडौं । नेपालले बलियो टोली चाइनिज ताइपेइलाई १\१ गोलको बराबरीमा रोकेको छ । बिहीबार साँझ चाइपेईको घरेलु मैदानमा सम्पन्न अन्तर्राष्ट्रिय मैत्रीपूर्ण फुटबलमा नेपालले चाइनिज ताइपेसँग १\१ गोलको बराबरी खेलेको हो ।

नेपालका लागि अभिषेक रिजालले गोल गरेका थिए । उनले डेब्यू गरेको दोस्रो खेलमै गोल गरी उज्वल भविश्यको संकेत देखाएका छन् । बिहीबार खेलको पहिलो हाफमा गोल खाएको थियो ।

पहिलो हाफमा चाइनिज ताइपेइले गोल गर्दै नेपाललाई दवावमा राख्यो । गोलकिपर किरण चेम्जोङले हातमा आइसकेको बल छाडिदिँदा नेपालले गोल खाएको थियो । सामान्यतया उनले यस प्रकारको गल्ती गर्दैनन् ।

दोस्रो हाफमा भने नेपालले उत्कृष्ट प्रदर्शन गर्‍यो । निरन्तर गोल गर्ने अवसर निकाल्दै दवावमा राखेको नेपालले खेलको ६९औं मिनेटमा गोल गरेको थियो ।

सन्तोष तामाङको फ्रिकिकलाई अभिषेकले हेड गर्दै गोलमा परिणत गरे । त्यसपछि भने दुबै टोलीले गोल गर्न सकेनन् र खेल बराबरीमा सकियो ।

फेसबुकबाट तपाईको प्रतिक्रिया

सम्बन्धित समाचार