विज्ञान प्रविधि

ड्रोन उडाएको आरोपमा भारतमा १० नेपाली पक्राउ

file

दार्जलिङ। भारतको दार्जलिङमा ड्रोन उडाएको आरोपमा १० नेपाली पक्राउ परेका छन् । दार्जलिङस्थित कालपोखरी सीमा क्षेत्रमा ड्रोन क्यामेरा उडाएको आरोप उनीहरुमाथि लगाइएको छ ।

सो क्षेत्रमा ड्रोन उडाउन भारतीय प्रहरीको अनुमति चाहिन्छ । अनुमतिविना सीमा क्षेत्रमा ड्रोन उडाएको आरोपमा प्रहरीले अघिल्लो आइतबार उनीहरूलाई पक्राउ गरेको हो ।

जिल्ला प्रशासन कार्यालय इलामले यसको पुष्टी गरेको हो । यी व्यक्तिले नेपाल र भारत कतैबाट पनि ड्रोन उडाउने सम्बन्धमा अनुमति लिएका थिएनन् ।

सीमा क्षेत्रमा कार्यरत सशस्त्र सीमा बलले आकाशमा ड्रोन देखेपछि खबर गरेका थिए। उनीहरुलाई दार्जलिङ प्रहरीले नियन्त्रणमा लिएको छ ।

उनीहरूले दार्जलिङको सीङगालीलास्थित राष्ट्रिय निकुञ्जमाथि पनि ड्रोन उडाएको पाइएको छ । त्यो स्थान पनि निषेधित क्षेत्र हो ।

पक्राउ पर्नेमा झापाका २९ वर्षीय विज्ञान गौतम, २५ वर्षीय विश्वास घिमिरे, २३ वर्षीय निश्चल कार्की, २८ वर्षीय देविन्द्र सिटौला र २३ वर्षीय कमल सुवेदी रहेका छन् ।

यसैगरी दिपन गौतम, २४ वर्षीय अनिमेस भट्टराई, काठमाडौंका २६ वर्षीय समय रिजाल, चितवनका २४ वर्षिय कृष्ण सापकोटा र धाडिङका २३ वर्षीय सुवोध त्रिपती समेत रहेको बताइएको छ ।