समाचार

आइतबार न्यूयोर्कमा नेजाको सामुदायिक भेला

न्यूयोर्क/अमेरिका
नेपाल अमेरिका पत्रकार संघ (नेजा) ले आउँदो आइतवार फेबु्रअरी २३ गतेका दिन न्यूयोर्कमा सामुदायिक भेला गर्ने भएको छ । न्यूयोर्कमा आउँदो मे २ र ३ मा हुने नेजाको सातौं अधिवेशनलाई केन्द्रीत गरी सामुदायिक भेला गर्न लागिएको हो ।
पत्रकार र नेपाली समुदायका क्रियाशिल संघ संगठनका प्रतिनिधिहरुका बीचमा गरिने अन्तरक्रियामा न्यूयोर्क र आसपासमा रहेको नेपाली समुदायलाई कार्यक्रममा उपस्थित हुन नेजाले आग्रह गरेको छ ।

नेजाका सचिब सुरज भण्डारीले एक प्रेस बिज्ञप्ती जारी गर्दै सातौं अधिवेशन तथा १४ औं वार्षिक साधारण सभालाई मध्यनजर गरी नेजाले विभिन्न कार्यक्रम संचालन गरिरहेको जानकारी गराएका छन् । अधिवेशनको तयारी भइरहेको र सदस्यता वितरण तथा नविकरणको कामलाई तिव्रता दिइएको पनि बिज्ञप्ती मार्फत जनाकारी गराइएको छ । कार्यक्रम आइतबार साँझ ४ बजेदेखि क्विन्सको ज्याक्सन हाइटस्थित रुजभेल्ट एभिन्यूमा रहेको भान्छा घर–२ मा हुनेछ ।