कास्की । कास्कीमा कार दूर्घटना हुँदा एक जनाको ज्यान गएको छ । कास्कीको पोखरा महानगरपालिका–२२ कालिमाटीमा कार दुर्घटना हुँदा एक महिलाको मृत्यु भएको प्रहरीले पुष्टी गरेको छ ।

दुर्घटनामा तीन जना घाइते भएका छन् । मृत्यु हुनेमा कारमा सवार कास्कीको पोखरा महानगरपालिका, १७ बस्ने २१ वर्षीया जमुना क्षेत्री रहेको प्रहरीले जनाएको छ ।

शुक्रबार करीव साढे बजे कालिमाटी नजिकै ग २ ख ७७६३ नम्बरको कार अनियन्त्रित भई सडकको पर्खालमा ठोक्किएको थियो ।

दुर्घटनामा तनहुँ बन्दीपुर घर भई अहिले पोखरा महानगरपालिका १७ बस्ने २१ वर्षीया विना थापामगर, उनका ४ वर्षीय छोरा अनिष थापामगर र मृतक जमुनाकी डेढ वर्षकी छोरी घाइते छन् ।

घाइतेको नमस्ते अस्पताल र बालिकाको मणिपाल अस्पतालमा उपचार भइरहेको प्रहरीले जनाएको छ ।

गुल्मी घर भएका २८ वर्षीय शिव पाण्डेले कार चलाएका थिए । उनलाई प्रहरीले नियन्त्रणमा लिएको छ । उनले मापसे गरेको प्रहरीको बताएको छ ।