28-Mar-2020 | १५ चैत्र २०७६, शनिबार

युवराज खतिवडा नदोहोरिने, बामदेवलाई सांसद बनाउन गृहकार्य

११ फाल्गुन २०७६, आईतवार ०   बिचार / प्रतिक्रिया


काठमाडौं । नेपाल कम्यूनिष्ट पार्टी (नेकपा)का लागि उपाध्यक्ष बामदोव गौतम महत्वपूर्ण स्थानमा छन् । उनी पूर्वएमाले र पूर्वमाओवादी दुबै खेलमा पुलको रुपमा काम गर्न सक्छन् ।

त्यसकारण नेकपाभित्र उनलाई कुनै पनि मानेमा कमजोर आकिदैन । पार्टीले हालै उनलाई वरिष्ठ उपाध्यक्षको पद दिलाएको थियो ।

अब भने सांसद बनाउने गृहकार्यका शुरु भएको छ । प्रतिनिधिसभा निर्वाचनमा प्रत्यक्षतर्फ चुनाव हारेका व्यक्ति हुन् ।

तर नेकपाले उनलाई सांसद बनाउन चाहेको छ । शनिबार बसेको सचिवालय बैठकमा समेत उनलाई सांसद बनाउने सम्बन्धमा छलफल भएको थियो । तर, उनी भने संविधान संशोधनको पक्षमा छन् ।

निर्वाचन हारेको व्यक्तिसमेत मन्त्री, प्रधानमन्त्री हुन सक्ने प्रावधानको पक्षमा छन् । अहिले निर्वाचन हारेको व्यक्ति अन्य माध्यमबाट सांसद बनेपनि कार्यकारी पदमा जान पाउँदैनन् ।

यस्तो अवस्थामा केवल सांसद मात्र नबन्ने बामदेवको अडान छ ।

नेकपाले भने अर्थमन्त्री डा. युवराज खतिवडाको सांसद पद समाप्त भएपछि उनलाई बिदा गर्ने र उनको स्थानमा राष्ट्रपतिबाट मनोनयन हुने कोटाबाट बामदेवलाई सांसद बनाउने तयारी गरेको छ ।

यस विषयमा शनिबार समेत छलफल भएको थियो । यसो हुँदा पुनः एक पटक व्यापक रुपमा मन्त्रीपरिषद्समेत हेरफेर हुनेछ ।

किनकी हालै सूचना तथा संचार प्रविधि मन्त्रालय खाली भएको छ ।

यसअघि शहरी विकास मन्त्रालयसमेत संचार मन्त्री गोकुल बास्कोटाले नै सम्हालेका थिए । तर उनीमाथि घुसकाण्ड लागेपछि राजिनामा गरे ।

Loading...

फेसबुकबाट तपाईको प्रतिक्रिया

सम्बन्धित समाचार