28-Mar-2020 | १५ चैत्र २०७६, शनिबार

निर्यात बढ्दा सुधारियो व्यापार घाटा

१३ फाल्गुन २०७६, मंगलवार ०   बिचार / प्रतिक्रिया


काठमाडौं । चालु आर्थिक वर्षको सात महिनामा आइपुग्दा नेपालको वैदेशिक व्यापारमा सुधारको संकेत देखिएको छ ।

भन्सार विभागले सोमबार सार्वजनिक गरेको तथ्यांक अनुसार साउन महिनादेखि माघ समान्तसम्म विदेशबाट आउने वस्तुको व्यापार ३ दशमलव ५६ प्रतिशतले कमी आएको छ । सात महिनामा ८ खर्ब ३ अर्ब ६० करोड रुपैयाँको वस्तु आयात भएको छ ।

गत वर्ष सात महिनामा ८ खर्ब ३३ अर्ब २६ करोड रुपैयाँको वस्तु आयात भएको थियो ।

चालु आवको सुरुदेखि नै निर्यात व्यापार भने उकालो लागेको छ ।

माघ महिनासम्म यो प्रवृत्ति कायम देखिएको छ । सात महिनामा निर्यात २२ दशमलव ४१ प्रतिशतले वृद्धि भएको छ ।

सात महिनामा नेपालले गत वर्षको समिक्षा अवधिमा भन्दा यस वर्ष १२ अर्ब रुपैयाँ बढीको वस्तु निर्यात गरेको छ ।

माघसम्म ६४ अर्ब ९७ करोड १२ लाख रुपैयाँ बराबरको वस्तु निर्यात भएको छ ।

गत वर्ष यही अवधिमा ५३ अर्ब ७ करोड रुपैयाँको वस्तु निर्यात भएको थियो ।

सात महिनामा नेपालको व्यापार घाटा पाँच दशमलव ३३ प्रतिशतले सुधार भएको छ ।

चालू आर्थिक बर्षको सात महिनामा नेपालको व्यापार घाटा ७ खर्ब ३८ करोड ६३ लाख रुपैयाँ रहेको छ ।

Loading...

फेसबुकबाट तपाईको प्रतिक्रिया

सम्बन्धित समाचार