17-Nov-2019 | १ मंसिर २०७६, आईतवार

युद्धमा भन्दा धेरै अमेरिकी सेनाको दुर्घटनामा मृत्यु, बिहीबार सडक दुर्घटनामा फेरि गयो एकको ज्यान

२४ जेष्ठ २०७६, शुक्रबार ०   बिचार / प्रतिक्रिया

<> on August 9, 2011 in Arlington, Virginia.

बासिङटन
अमेरिकी सेनाको तालिम क्षेत्रमा सवारी दुर्घटना हुँदा एक जवानको मृत्यु भएको छ । घटनामा २१ जना घाइते भएका छन् ।

यो घटनाले अमेरिकी सेना युद्धमा भन्दा बढि यस्ता दुर्घटनामा मारिएको तथ्यप्रति फेरि एक पटक सबैको ध्यान तानेको हो । सन् २००६ देखि २०१६ सम्म मारिएका अमेरिकी सैनिक मध्ये झन्डै ३२ प्रतिशतको सडक दुर्घटनामा मृत्यु भएको गत महिना सार्वजनिक अमेरिकी संसदको नयाँ तथ्यांकमा उल्लेख गरिएको छ । जबकी उक्त अवधिमा मारिने मध्ये १६ प्रतिशतको मात्र युद्धको क्रममा मृत्यु भएको थियो । साथै ज्यान जाने गरि हुने यस्तो दुर्घटना युद्धका लागि खटिए भन्दा अरु बेला नै धेरै हुने गरेको समेत संसदीय तथ्यांकमा उल्लेख छ ।

‘सन् २००६ यता कुल १६ हजार ६५२ अमेरिकी सेनाले सेवारत अवस्थामा ज्यान गुमाएका छन् । त्यसमध्ये ७३ प्रतिशतको मृत्यु युद्धसँग असम्वन्धित घटनामा भएको छ’ संसदीय रिपोर्टमा भनिएको छ ।

सन् २०१७ मा मात्र युद्ध भन्दा चार गुणा बढि सैनिकले तालीमका क्रममा हुने दुर्घटनामा ज्यान गुमाएको हाउस आर्म सर्भिस कमिटीको रिपोर्टमा जनाइएको छ । धेरै सांसद र सैनिक अधिकारीले युद्धजन्य गतिविधी बाहेक अन्य घटनामा हुने जवान मृत्युदर कम गर्न अतिरिक्त बजेटको व्यवस्था गर्नु पर्ने समेत बताउँदै आएका छन् । सन् २०१७ मा २१ सैनिक जवान युद्धका क्रममा मारिएका थिए । उक्त साल ८० जनाले युद्धसँग असम्बन्धित घटनामा ज्यान गुमाएका थिए ।
(सिएनएसको सहयोगमा)

फेसबुकबाट तपाईको प्रतिक्रिया

सम्बन्धित समाचार