फिचर

अमेरिकामा कोरोना भाइरसको संक्रमण फैलिने चेतावनी !

अमेरिका । चीनको वुहानबाट फैलिएको कोरोना भाइरस संयुक्त राज्य अमेरिकामा फैलिने उच्च स्वास्थ्य अधिकारीले चेतावनी दिएका छन् । यो भाइरस सबैभन्दा पहिला वुहानमा रहेको हुवानान होलसेल सीफुड मार्केटबाट यो भाइरस मान्छेमा सरेको थियो ।

त्यसपछि विश्वकोे विभिन्न देशमा फैलिएको कोरोना भाइरस अमेरिकामा अहिलेसम्म ५३ जनामा कोरोना संक्रमण पुष्टि भएको छ ।

संक्रमणबाट जोगिनका लागि सबै अमेरिकी तयार अवस्थामा रहनु पर्ने उच्च स्वास्थ्य अधिकारीले बताएका छन् ।

स्वास्थ्य अधिकारीले अमेरिकी कंग्रेससँग तत्काल अर्बौँ डलर बराबरको बजेट कोरोना भाइरस संक्रमणविरुद्धको अभियानका लागि छुट्याउन आग्रह गरेको छ ।

तर राष्ट्रपति डोनाल्ड ट्रम्पले भने अमेरिकामा कोरोना भाइरस संक्रमणको अवस्था ‘निश्चित रुपले नियन्त्रण’ मा रहेको बताएका छन् । र पनि कोरोना भाइरसको संक्रमणको डरका कारण अमेरिकी स्टक मार्केट लगातार घटिरहेको छ ।