बैंकक । विश्वस्तरीय खेलाडी रहेको र वानडे मान्यता पाएको नेपाललाई कमजोर आंकलन गरिएको मलेसियाले एसीसी इस्टर्न रिजन टि २० क्रिकेट प्रतियोगितामा पराजित गरिदिएको छ ।
नेपाल र मलेसियाबीच शनिबार सम्पन्न खेलमा मलेसियाले नेपाललाई २२ रनले हराएको हो ।
शनिबार थाइल्यान्डको बैंककस्थित टेर्डथाई क्रिकेट मैदानमा टस जितेर ब्याटिङ रोजेको मलेसियाले निर्धारित २० ओभरमा ६ विकेट गुमाउँदै १ सय ५४ रन बनायो ।
जवाफी ब्याटिंगमा उत्रिएको नेपाल १९.५ ओभरमा अलआउट हुँदा १३२ रनमा समेटिएको छ ।
नेपालका लागि कप्तान ज्ञानेन्द्र मल्लले ३८ रन जोडेपनि टोलीलाई जिताउन सकेनन् ।
पारस खड्का ९ रन बनाएर आउट भए । दीपेन्द्र सिंह ऐरीले ३८ रन नै जोडे । पवन सरार्फको नाममा १९ रन ह्यो ।
यद्दपी कुनै पनि ब्याट्सम्यानले सम्हालेर खेल्न नसक्दा नतिजा भने मलेसियाको पक्षमा गएको हो ।
